Joriy yilning 29 aprel sanasida Muhammad al-Xorazmiy nomidagi TATU Urganch filialining majlislar zalida TechBika loyihasining Kompyuter savodxonligi bo'yicha birinchi o'quv kursini yakunlanish marosimi o'tkazildi.
Tadbirda TechBika loyihasida Xorazm viloyatining 13 ta tuman bo'ylab tahsil olgan 350 nafar xotin-qizlarning barchasi sertifikat bilan taqdirlandilar.
O'quv jarayoni davomida o'z iqtidorini namoyon qilgan ayol-qizlarga vazirlikning qimmatbaho sovg'alari topshirildi.
Tadbirning ochilish so'zi Xorazm viloyati Mahalla va oilani qo'llab-quvvatlash boshqarmasi boshlig'ining birinchi orinbosari hamda Axborot texnologiyalari va kommunikatsiyalarini rivojlantirish vazirligi Xorazm viloyati xududiy boshqarmasi boshlig'ining o'rinbosari Madrimov Madrahimga berildi. Ular so'zlarining davomida qizlarimizni yutiqlari bilan tabrikladilar va kelgusidagi ishlariga zafarlar tiladilar.
Shuningdek, tadbirda TechBika loyihasi rahbari S.Palvanova hamda Tashkent IT Parkdan tashrif buyurgan vakillar Qo'chqarov Abdulahad va Rajabov Jahongirlar o'z nutqlari bilan tadbirda faol qatnashdilar va sertifikat egalariga ezgu tilaklarni bildirdilar.
TATU UF Axborot xizmati